मोर कराही कस हृदय, सब बर हे अनुराग।
माढ़े आगी के ऊपर, दबकावत हँव साग।
दबकावत हँव, साग सबे बर, किसम किसम के।
हरदी मिरचा, मरी मसाला, डारँव जमके।
मन के भितरी,पोठ चुरत हे, साग मिठाही।
कलम ह करछुल, कविता मोरे,मोर कराही।
छत्तीसगढिया शायरी 1 . बहुत अभिमान मैं करथौ, छत्तीसगढ के माटी मा । मोर अंतस जुड़ा जाथे, बटकी भर के बसी मा। ये माटी नो हाय महतारी ये, एकर मानतुम करव बइला आन के चरत हे, काबर हमर बारी मा । 2 मै तोरे नाव लेहुँ, तोरे गीत गा के मर जाहूं ।। जे तै इनकार कर देबे, त मै कुछु खा के मर जाहुं ।। अब तो लगथे ये जी जाही संगी तोर मया मा, कहूँ इकरार कर लेबे त मै पगला के मर जाहुं ।। 3 ये कइसे पथरा दिल ले मै ह काबर प्यार कर डारेव ।। जे दिल ल टोर के कईथे का अतियाचार कर डारेव ।। नइ जानिस वो बैरी हा कभू हिरदे के पीरा ला जेकर मया मय जिनगी ला मै अपन ख़्वार कर डारेव।। ...
टिप्पणियाँ
एक टिप्पणी भेजें